রড় ক নাপায় সৗঁহিজ্ পুষ্টৗও লৗগিৎতে যাহাঁ পুথিরে রড় ক রেয়াঃ ভাঁওয়ার অল আকানা অনাগে রনড় ব মেতাঃ কানা। পণ্ডিত রঘুনাথ মুরমু আঃ কাথা লেকাতে নওয়া দ রড় আর নড় কাথা মিলৗও কাতে হুয় আকানা। হড় ক রড়া – লেলহা দ রড়-নড় গে বাম যুত অচয়া। রড়-নড় খনগে রনড় হুয় আকানা। আরহঁ মিৎবার হড় দ রড় অৗরি বাংখান ভাঁওয়ার পতব হঁ ব মেতাঃ কানা।
মুরমু গঙকে দ রনড় লৗয় তেদ মেনেঃ কানায় – ‘রড় ক জুত সৗঁহিজ রড় গান অচয় তেয়াঃ ধৗড় সুতুর গে রনড়’।
রড় বাড়ায় মাড়াংরে আব বাড়ায় হুয়ুঃ তাবনা আড়াং। আড়াংগে সামটাও লেনখাজ্ রড়রে বনদলঃআ। অনাতে আড়াং বাড়ায় দ নিহৗত জৗরুড় কান গেয়া।
এটাঃ জীব জিয়ৗলি যে বাংক রড় দাড়েয়াঃআ অনারেনাঃ আয়মা কারণ মুদরে মিৎটান দ হুয়ুঃ কানা মুঠৗন রেয়াঃ গড়হন। মানমি মুঠৗন ভিতরী আর বাহরে রেয়াঃ গড়হন রড় লৗগিৎতে সলহে গেয়া।
যেলেকা –
কেওয়া – রাওয়াল আর তাতলে আঁড়গ রাকাব রেয়াঃ সুবিধা।
জাং জিল – লৗবিদ্ আর লাড়াও রেয়াঃ সুবিধা।
লুটি, ডাটা, আলাং, গিতৗত্, তায়ম আলাং, তৗরু, আড়াং ছালে, জিওয়ী কুঁডলি – নওয়া ক সানাম রড় লৗগিত্ তে আয়মা লেকাতে ক কৗমিয়া। আব হরদমগে সাঁহেৎ বন হাতাওয়া আর আড়াগা। মচা সেনতে, মু হরতে সাঁহেৎ হাতাও কাতে সজহে সাঁহেৎ নৗলি সেনতে জিওয়ী কুঁডলি রেবন কোলেৎ কানা। আরহঁ জিওয়ী কুঁডলি খন অনা সাঁহেৎ হয় বাহরে ওডোংঅঃ কানা। নওয়া সাঁহেৎ হয় বাহরে অডংঅঃ জহঃগে আববো রড়া। সাঁহেৎ হয় বাহরে অডংঅঃ জহঃ পৌলোরে কান্টা সে আড়াং ছালে (Vocal fold)রে তাপিঞঃআ। তালারে চিরৗ পাতলা ছালেতে বেনাও নওয়া আড়াং ছালে হয়তে ঠেলাও লেনখাজ্ ফাঁক কাতে কাঁপাঃআ। রড় অক্ত নওয়া আড়াং ছালে থারথারাঃআ। অকা অক্ত কম অকা অক্ত বিশি। নওয়া আড়াং ছালে চেতান সেজ্দ কেটেজ্ মাছা ঢাকনিজ্তে এসেৎ তাহেঁনা। বাহরে খজ্ জটেৎ লেখাজ্ মিৎটান নাসে উসুল মাছা অৗয়কৗঃআ আর অনা তালারে কৗঁইচ্ চুলুং ফাঁক অৗইকৗঃ অনা দক মেতাঃ কানা Adams Apple (কান্টা). সাঁহেৎ হয় অনা তায়ম তাপিঞঃআ গিতৗৎরে (Epiglottis). সাঁহেৎ নৗলি চেতানরে মিৎটান ঢাকনিজ্ লেকান অংশ মেনাঃআ। নওয়াগে গিতৗৎ দ। রড় অক্ত নওয়াদ চেতান লাতারঃআ আর জম অক্ত ঢাকনিজ্ লেকা সাঁহেৎ নৗলিয় এসেদা। অনাতেগে জম বাংখান ঞু অক্ত রড় লেখাজ্ খিজোঃআবো আর মনেয়াবন জানিজ্ অকয় চংএ ঞুমিঞ কানা। নওয়া পরে সাঁহেৎ হয় অকারেহঁ বাং তৗপিঞ কাতে, নাসেনাঃ তৗপিঞ কাতে সে বাংখান পুরৗগে তৗপিঞ কাতে মু হরতে বাংখান মচা হরতে ওডোংঅঃআ। নওয়া অক্ত আলাং দ মচা ভিতৗররে রাকাব্আ, আড়ঁগনা, লাহাঃআ তায়মঃআ আর হুডিঞঃআ, অসারঃআ, খুলৗঃআ বন্দঃআ লুটিকিন লাড়াঃআ। কেওয়া চেতান লাতারঃআ। মুঠৗন রেনাঃ জাংজিলগে নংকায় হচরে গড়য় এমা।
লাতাররে মুঠৗন রেয়াঃ চিতৗর এম হুয়েনা। নওয়া সামাংরে দহ কাতে পাড়হাও লেখাজ্ বুঝৗওরে সুবিধা হুয়ুঃআ।
No comments:
Post a Comment