১১. উঞুম (Pronoun)

রাজেন দ বর পাতা চালাও আকানায়। রাজেন দ বর পাতা রে মিৎটাং তিরয়ো হাতাও কেদায়। তিরয়ো দ বর পাতা রে অরং কেদায়। রাজেন দ বর পাতা খন তিরয়ো আতেগে রুওয়াড় এনায়।

নওয়াক অৗয়ৗৎরে ঞুনুম অৗড়ৗ রাজেন, বরপাতা, তিরয়ো আয়মা ধাও বেওহার আকানতে বাং জুতগে আঁজমঃ কানা।  অনাতে লাতাররে অলেন অৗয়ৗৎ ঞুনুম অৗড়ৗ বাদালতে এটাঃ অৗড়ৗ অল কাতে ঞেল লেগেব।

রাজেন দ বরপাতা চালাওআকানায়। উনি অঁডে মিৎটাং তিরয়ো হাতাওকেদায়। অনাদ অঁডে অরং কেদায়। উনি অঁডে খন অনা আতেগে রুওয়াড় এনায়। 

তাহলে ঞেলঃ কানা ঞুনুম অৗড়ৗ উকু দহ কাতে অনা বাদালতে উনি, অঁডে আর অনা অৗড়ৗ বেওহার কাতেদ নাপায়গে বুঝৗও এনা।   

ঞুনুম বাং ঞুম কাতে মেনেক উকু দহ কাতে অনা বাদালতে যাহাঁ অৗড়ৗ অৗয়ৗৎরে বেওহারঃআ অনাদ উঞুম অৗড়ৗ কানা। ইঞ, আব, আলে, ইঞৗঃ, আবওয়াঃ, আলিঞ, আলিঞাঃ, আলেয়াঃ, আম, আমাঃ, আপে, আপেয়াঃ, উনি, উনকিন, উনকু, উনিয়াঃ, উনকিনাঃ, উনকুওয়াঃ, আজ, আক, আকওয়াঃ, চিলি, অকা, চেৎ, উকুর, উকুরান, নওয়া, হানা এমান।

 উঞুম দ আকওয়াঃ উপরুম লেকাতে ইরাল হৗটিঞরেক হৗটিঞ আকানা।

উঞুম হৗটিঞ	উরুম	ঞেল
১১. ১. নিজ উঞুম (জিওীয়ান) (Personal pronoun)	হড় ঞুতুম বাদালতে বেওহারঃআ।	ইঞ, আলাং, আলিঞ, আম, আবেন, আপে, উনি, উনকিন, উনকু এমান।
১১. ২. উদুঃ উঞুম (বাং জিওীয়ান) (Demonstrative pronoun)	বাং জিওীয়ান বাদালতে বেওহারঃআ	নওয়া, অনা, হানা, অঁডে, নঁডে, হাঁডে, noTe, onTe, hanTe, hanare, jahaNre, samaf, bezhay, no-parom, ona-parom, okakHon এমান।
১১. ৩. হেনাঃ উঞুম (Possessive pronoun)	নওয়া উঞুম দ ঞুনুমরেন মালিক হিসৗব তে বেওহারঃআ	ইঞৗঃ, আলাংআঃ, আলিঞাঃ, আমাঃ, আবেনাঃ, আপেয়াঃ, উনিয়াঃ, উনকিনাঃ, উনকুওআঃ।
১১. ৪. দহড়া উঞুম (Reflexive pronoun)	নিজ উঞুম দহড়াঃআ । নওয়া দ কানওয়া রেনাঃ কামিতেৎ মুতান চেতান রেগে পাড়াঃআ বুঝাও অক্তে বেওহারঃআ।	ইঞিঞ, আলাংলাং, আলেলে, আমেম, আবেনবেন, আপেপে।
১১. ৫. সৗগৗই উঞুম (Relative pronoun)	বারয়া অৗয়ৗৎ রেয়াঃ সৗগৗই জড়াও আয়	যাহাঁয়, নুকু, যাহাঁটাঃ, নওয়াটাঃ, এমান।
১১. ৬. কুকলি উঞুম (Interrogative pronoun)	কুকলি লাগিৎতে বেওহারঃআ	অকয়, অকা, চেৎ, উকুর, উকুরিজ, তিস, তিন এমান।
১১. ৭. বেঠিকান উঞুম (Reciprocal pronoun)	নওয়া উঞুম কাথা দ আয়মা হড় বাংখান জিনিস ক মুদরে মিমিৎ গটেজ এ বুঝাও অচকওয়া।	সানাম, অকয়গে, আয়মা, যাহাঁয়গে এমান।
১১.৮ অক্ত উঞুম (Time pronoun)	নওয়া উঞুম কাথা দ অক্ত বুঝাও অচরে বেওহারঃআ।	niT, Teheq, hola, mahDer, OnmahDer, Gapa, meyaf, ENDxray, ANga, SeTag, Baskebeza, Tikin, Tarasiq, majan, Ayub, miD boNga, miD serma,  nes, Kalom, SaTom, PHer-SaTom, Din-Kalom, hol-Kalom,  mahaNg-Kalom, Enaf,  DHinaf, happen eman|

  ১১.১ নিজ  উঞুম দ পে তরন রেক হৗটিঞঃআ

১১.১. ১. মাড়াং গরন (1^st Person)– ইঞ, আলিঞ, আলাং, আব, আলে।

১১.১. ২. সামাং গরন (2^nd Person)– আম, আবেন, আপে।

১১.১. ৩. সৗগিঞ গরন (3^rd  Person)– আজ, আকিন, আক, উনি, উনকিন, উনকু (জিওীয়ান)।

দিসা দহ কাঃ মাবন সানাম ঞুনুম সাঁগিঞ গরন লেকাতেক বেওহারঃআ।

১১. ২. উদুঃ উঞুম - অনা, অনাকিন, অনাক, অনাটাঃ,  হানা, হানাকিন, হানাক, হানাটাঃ এমান (বাং জিওীয়ান)। নওয়া উঞুম দ সৗগিঞ গরন রেগে বেওহারঃআ। গটান হিসৗবতে হৗটিঞ দ নংকা লেকা –

মিৎ গটান – অনা, অনাটাঃ, হানা, হানাটাঃ, নওয়া, নওয়াটাঃ ।

বার গটান – অনাকিন, হানাকিন, নওয়াকিন মেনেক অনা, হান, নওয়া অৗড়ৗ সাঁও কিন গৗনৗ্ট  অৗড়ৗ জেলেদঃআ।

সাঁগে গটান – অনাক, হানাক, নওয়াক  মেনেক অনা,  হানা, নওয়া অৗড়ৗ সাঁও ক গৗনৗ্ট  অৗড়ৗ জেলেদঃআ।

১১. ৩. হেনাঃ উঞুম – ইঞৗঃ, আলাংআঃ, আলিঞাঃ, আমাঃ, আবেনাঃ, আপেয়াঃ, উনিয়াঃ, উনকিনাঃ, উনকুওআঃ এমান মেনেক জাহান জায় জিনিস রেয়াঃ মৗলিক বুঝৗও অচয়ায়।

১১. ৪. দহড়া উঞুম – সান্তাড় রড় রেদ নওয়া উঞুম দ আডি জাস্তিগে বেওহারঃআ। নওয়া উঞুম অৗড়ৗ তেদ যাহাঁয় সে যাহাঁ ইদি কাতে রড়গঃআ উনি সে অনাগে দহড়াঃআ, অনাতে নওয়া দ দহড়া উঞুম ব মেতাঃআ।

ইঞিঞ (ইঞ+ইঞ) চালাঃআ। আমেম জমা। আপেপে এনেজা। আবব রুয়া। আলেলে সেরেঞা। আর বাংখান নংকা হঁ বেওহারঃআ – ইঞ তেগেঞ চালাও কঃআ। আম তেগেম জুত কেয়া। আপে তেগেপে চালাও কঃআ। আব তেগেবন চালাও কঃআ। আলে তেগেলে চালাও কঃআ।

১১.৪.১ মাড়াং গরন - ইঞ+ইঞ=ইঞিঞ, আলাং+আলাং=আলাংলাং, আব+আব=আবব। আরবাংখান ইঞ+তেগে (গৗনৗ্ট)+ঞ=ইঞ তেগেঞ।  আলাং+তেগে (গৗনৗ্ট)+লাং=আলাং তেগেলাং।  আব+তেগে (গৗনৗ্ট)+ব=আব তেগেব।  

১১.৪.২ সামাং গরন - আম+আম=আমেম, আবেন+আবেন=আবেনবেন, আপে+আপে=আপেপে। আরবাংখান আম+তেগে (গৗ্নাট অৗড়ৗ)+ম=আম তেগেম।  আবেন+তেগে (গৗনৗ্ট অৗড়ৗ)+বেন=আবেন তেগেবেন।  আপে+তেগে (গৗনৗ্ট অৗড়ৗ)+পে=আপে তেগেপে। 

১১.৪.৩ সৗগিঞ গরন - আজ+আজ=আজ আজ, আ্কিন+আকিন=আকিনকিন, আক+আক=আকক। আরবাংখান আজ+তেগে (গৗনৗ্ট অৗড়ৗ)+য়=আজ তেগেয়।  আকিন+তেগে (গৗনৗ্ট অৗড়ৗ)+কিন=আকিন তেগেকিন।  আক+তেগে (গৗনৗ্ট অৗড়ৗ)+ক=আক তেগেক। 

১১. ৫. সৗগৗই উঞুম – বারয়া সে সাঁগে অৗয়ৗৎ রেয়াঃ সৗগৗই এ জড়াওআ।  যাহাঁয়, নুকু, যাহাঁটাঃ, নওয়াটাঃ, এমান।

উনি গিদৗ্রদঞ বাড়ায়েয়া যাহাঁয় নডেয় হেজ আকান।

১১. ৬. কুকলি উঞুম – অকয়, অকা, চেৎ, উকুর, উকুরিজ, তিস, তিন এমান।

অকয় সাঁও এম রপড় কানা? অকা খনেম হিজুঃ কানা? চেৎ আগুম চালাঃ কানা?

১১. ৭. বেঠিকৗন উঞুম - নওয়া উঞুম কাথা দ আয়মা হড় বাংখান জিনিস ক মুদরে মিমিৎ গটেজ এ বুঝাও অচকওয়া। সানাম, অকয়গে, আয়মা, যাহাঁয়গে এমান।

আপে ক মুদ রে যাহাঁয়গে মিৎহড় চালাঃপে। উনৗঃ গান হড় মুদরে আয়মাগেক চালাওলেনা।

১১. ৮. অক্ত উঞুম - নওয়া উঞুম দ অক্ত বাং ঞুম কাতে অনা বাদালতে বেওহারঃ আড়া কগে অক্ত উঞুম রে পাড়াঃআ। niT, Teheq, hola, mahDer, OnmahDer, Gapa, meyaf, ENDxray, ANga, SeTag, Baskebeza, Tikin, Tarasiq, majan, Ayub, miD boNga, miD serma,  nes, Kalom, SaTom, PHer-SaTom, Din-Kalom, hol-Kalom,  mahaNg-Kalom, Enaf,  DHinaf, happen eman|

গাপা (রোববার) ক হিজুঃআ। (সুনবার) মেয়াং ক রুওয়াড়া।  

১২. গুনুন (Adjective)  – যাহাঁ অৗড়ৗতে গুন ফোটেল রাকাবঃআ অনাকদ ব মেতাঃ কানা গুনুন।

বুগি, বোগে, বৗড়িজ, আরাঃ, পুঁড, পোঁড, হেঁদে, হেওয়ের, হাড়হাৎ, হেড়েম, সঝে, কঁড়বেৎ, টসরা, দরপৎ, কেটেজ, লৗ্বিদ, উসুল, ফেড, ছেপ, অৗডি, আয়মা, টেমেজ, গৗহির, জিলিঞ, জেলেঞ, খাটো, সুর, সৗঁগিঞ, দারমট, রেয়াড়, যুওয়ৗন, মারে, রেঁগেজ, কিসৗঁড়, বাঞ্চাও, এসেল, ফারচা, এমান।

গুনুন দ ঞুনুম আর  উঞুম রেয়াঃ গুনতেৎ এ ফোটেল অচয়া।

দাড়ু নাপায় গিদৗর কানায়।

রবান দ অৗডি চালাক গেয়ায়।

চেতানরে উদুঃ অৗয়ৗৎ খন ঞেলঃ কানা ‘নাপায়’ দ গিদৗ্র ঞুনুম অৗড়ৗ মাড়াংরে মেনাঃ আকাদা আর চালাক দ ‘কানায়’ কৗ্নওয়া জেনেৎ লাহারে মেনাঃ আকাদরেহঁ দৗড়ু অকালেকানিজ কানায় বুঝৗও অচ আকাদায়। 

ঞুনুম অৗড়ৗ সে বাংখাজ দানাং উঞুম মাড়াংরে তাহেঁ লেনখাজ আয়ুর গুনুন হুয়ুঃআ আর কামি সে কামি গড় অৗড়ৗ মাড়াংরে মেনেক ঞুনুম সে বাংখান উঞুম অৗড়ৗ তায়মরে তাহেঁ লেনখাজ গৗনৗ্ট  গুনুন হুয়ুঃআ।

আরহঁ মিৎবার বেওহার ব ঞেল লেগে –

১. অড়াঃরেন মেরম কানায়।

২. দারমট কড়া কানায়।

৩. ঠিলিরে দাঃ আয়মা মেনাঃআ।

৪. পেয়া ধিরি আগুয়মে।

৫. নওয়া দ ইঞৗঃ পতব।

৬. উনি দ অকালেকান হড়?

৭. আমহঁ উনি লেকা বেনাঃমে।

৮. লৗ্পৗয় কানাকিন।

চেতানরেয়াঃ অৗয়ৗৎ করে ঞেলঃ কানা –

১২. ১. অড়াঃ+রেন মেনেক অড়াঃ (ঞুনুম) অৗড়ৗ সাঁও রেন (গৗনৗ্ট ) অৗড়ৗ মেসা আকানা। অনাতে নওয়াদ ঞুনুম গুনুন ব মেতাঃ কানা। ঞুনুম গুনুন দ ঞুনুম অৗড়ৗ খন বেনাঃ কানা।

১২. ২. দারমট অৗড়ৗ তেদ ঞুনুম অৗড়ৗ ‘কড়া’ অকালেকানায় অনায় বুঝৗও অচয়েদা। অনাতেবন মেন দাড়েকেয়া – যাহাঁন গুনুন অৗড়ৗতে ঞুনুম অৗড়ৗরেয়াঃ মৗ্ন, অবস্থা, কৗয় এমান বুঝৗও অচয়ায় অনাদ মৗন গুনুন ব মেতাঃআ।

১২. ৩. আয়মা অৗড়ৗ তেদ ঞুনুম ‘দাঃ’ তিনৗঃ চং মেনাঃ বাং ঠৗওকৗঃ কানা। অনাতে নওয়াদ বেঠিকৗন গুনুন ব মেতাঃ কানা। অনালেকাতে মেনকেয়াব – যাহাঁ গুনুন অৗড়ৗতে ঞুনুম অৗড়ৗ রেয়াঃ ঠৗওকৗ বাং হুয়ুঃআ অনাদ বেঠিকৗন গুনুন ব মেতাঃআ।

১২. ৪. ‘পেয়া’ অৗড়ৗতেদ ঞুনুম অৗড়ৗ ‘ধিরি’ রেয়াঃ লেখা সে ঠৗওকৗ অচ আকাদায়। অনাতে নওয়াদ লেখা গুনুন ব মেতাঃ কানা।

১২. ৫. ‘ইঞৗঃ’ নওয়াদ উঞুম অৗড়ৗ,  ‘পতব’ অকয়াঃ কানা মেনতে পুস্টৗও আকানা। নডে ইঞ অৗড়ৗ্রে ‘অৗঃ’ গায়ুর জেলেৎ আকানতে ‘ইঞ’ নিজ উঞুম অৗড়ৗ ‘ইঞৗঃ’ হেনাঃ দানাং উঞুম অৗড়ৗ্রে ফেরাও আকানা।  অনাতে নওয়াদ হেনাঃ উঞুম গুনুন ব মেতাঃ কানা।

১২. ৬. ‘অকালেকান’ নওয়াদ কুকলি উঞুম কানা। নডে ‘হড়’ ঞুনুম অৗড়ৗ লাহারে তাহেঁ কাতেঃ কুকলি অচ আকানা। নংকান অৗড়ৗ মেনেক কুকলি উঞুম অৗড়ৗ যখেজ ঞুনুম অৗড়ৗ লাহারে তাহেঁ কাতেঃ গুনুন অৗড়ৗ লেকা বেওহারঃআ উনদ অনা কুকলি দানাং উঞুম কুকলি গুনুন হুয়ুঃআ।

১২. ৭.  ‘উনি’ নিজ  উঞুম নডে তুলুজ সে তুলনা লেকাতে বেওহার আকানতে ‘আম’ দানাং ঞুতুমাঃ গুন অকালেকান হুয়ুঃআ মেনতে পুস্টৗও অচ আকাদায়। অনাতে নিজ উঞুম আর বাংখান উদুঃ উঞুম যখেজ তুলুজ সে তুলনা লেকাতে বেওহারঃআ অনা উনদ তুলুজ গুনুন হুয়ুঃআ।

১২. ৮. লৗ্পৗয় কামি গুনুন কানা। নওয়াদ কামি অৗড়ৗ লৗয় খন বেনাঃও আকানা। রড় খন রপড়, দাল খন দাপাল, থিয়ৗ খন থৗপৗয়ৗ, রাচাঃ খন রাপাচাঃ, ইতিজ খন ইপিতিজ, কুলি খন কুপুলি, গজ খন গপজ, গঃ খন গগঃ, মাঃ খন মামাঃ  এমান।  

সান্তাড়িতে ‘লেকা’ গানাট এম কাতে ঞুনুম, উঞুম আড়া গুনুন আড়ারে বনদলঃআ, আর কানওয়া আড়া সাঁও ‘কান লেকা’ গানাট জেলেৎ কাতে হঁ কানওয়া খন গুনুন আড়ারে ফেরাঃআ।

আমদ ধিরি লেকান হড়। আমদ পুসি লেকাম ঞেলঃ কানা।  ইঞ লেকান হড় দ আদ বাম ঞাম কওয়া।