৪. অৗড়ৗ word

চিকি ক যখেজ্‌ পান্তে পান্তে ক দুড়ুব সুরুঃআ আর নাপায় জায় জিনিস রেয়াঃ ঞুম রড়গঃআ উন দ অনা পান্তে আকান চিকি ক মিৎটাং অৗড়ৗ হুয়ুঃআ। চিকি ক দ তারাজ্‌ বিরৗজ্‌ বাংক তাহেঁনা। নাপায়গে গুতু গালাং মালা লেকাগেক  তাহেঁনা। কেচেৎ আড়াং চিকি ক দ মঁজগে রাহা আড়াংতে গাবানঃআ। যেলেকা –

o+k+o+y=okoy, r+o+t+e=rote, r+e+t+o=reto h+a+.+k+O=ha.kO, i+k+z+u+m=ikzum এমান।

হড় রড় রেদ রাহা আড়াং চিকি আক আক দ বাংক পান্তে দাড়েয়াঃআ। পান্তে লেনখাজ্‌ ক অনাদ অৗড়ৗ বাং হুয়ুঃআ। যেলেকা – o+o+k+y=ooky অৗড়ৗ বাং হুয় লেনা। তবে ইংরাজী সে আরহঁ এটাঃ এটাঃ পৗ্রিস রেয়াঃ অৗড়ৗ ক চিকিতে অল জখেজ্‌ দ পান্তেঃ কান গেয়া। যেলেকা – m+O+b+a+i+l=mObail, p+a+u+l=paul, k+a+u+n+t+a+r=kauntar এমান। মেনখান নংকান এটাঃ পৗ্রিস রেয়াঃ অৗড়ৗ কহঁ চিকিতে রাহা আড়াংতে গাবান হুয় দাড়েয়াঃ গেয়া। যেলেকা – m+O+b+a+y+i+l=mObayil, p+a+w+u+l=pawul, k+a+w+u+n+t+a+r=kawuntar এমান। তবে চেতান রে লৗয়েন পৗ্রিস রেনাঃ অৗড়ৗ করে যুদি রাহা আড়াং পান্তে কাতে জপড়াঃ কান গেয়া তাহলে অনা দ “জপড়াও রাহা আড়াং”ব (Diphthong) মেতাঃ কানা।

৫. অৗয়ৗৎ

অৗয়ৗৎ বাখরাতে অকয় অকালেকা ক লৗয় হট আকাদা অনাগে মিৎধাও বন ঞেল লেগে –

“ অৗডি গটাং অৗড়ৗ রড় মিৎ কাতে মিৎ গটাং অৗয়ৗ রেয়াঃ কাথা রড় পুরৗও দ অৗয়ৗৎ কানা”। - গুরুগঙ্কে।

“কাথাকো রেয়াঃ জনড়াও অনে অকাটাঃতে কাথাতেৎ সৗ্মুং সৗ্হিঁচ্‌ ওরোম আটকারঃ কান ইনৗগে আয়েত দ, অনা ওরোম আটকারতেৎ সৗ্মুং সৗহিঁচ্‌ বাঙ হোয়োঃআ তিন হৗবিচ্‌ যাঁহাঁনাঃ এ্যটাঃ যাঁহাঁনাঃ বাবোত বাঙ রড়লেন”। - টি.কে. রাপাজ।

চেতানরে অলেন কাথা সাঁওতে লাতাররে অলেন কাথাহঁ তুলৗজখা লেগায়মাবন। চেদাঃযে সান্তাড় রড়রে নংকান অৗড়ৗ হঁ মেনাঃআ যাহাঁ দ আজ সুমুং তেগে মিৎটান অৗয়ৗ রেয়াঃ পুস্টৗও অচদাড়েয়াঃআয়। যেলেকা – দেলা, হিজুঃমে, চ, হাপে এমান।  অনাতে মেনগানঃআ – মিৎবার সে আরহঁ সাঁগে গটান অৗড়ৗ এতম তায়ম তাহেঁ কাতে মিৎটান অৗয়ৗ (Object) রেয়াঃ পুস্টৗও কাথাগে অৗয়ৗৎ ব মেতাঃ কানা।

অৗড়ৗ ক এতম তায়ম জপড়াও কাতে রেহঁ মিৎটান অৗয়ৗ বাং পুস্টৗও লেনখাজ্‌ অৗয়ৗৎ বাং হুয়ুঃআ। চেড়েঁ ক উডৗঃ কানা। ceMe ko uda.g kana|- নওয়া দ মিৎটাং অৗয়ৗৎ কানা। মেনখান হৗতি ক উডৗঃ কানা। ha.Ti ko uda.g kana| - নওয়া দ অৗয়ৗৎ বাং কানা, চেদা যে হৗতি দ বাং ক উডৗও দাড়েয়াঃআ।

অৗয়ৗৎরে লাগতঃ চিনহৗ ক

( , )	কেচেৎ - অৗয়ৗৎ তালারে সাতাহেঁৎ হাতাও রেনাঃ কেচেৎ চিনহৗ ।
( ; )	তপাঃ - অৗয়ৗৎ তালারে নাসে তপাগঃ রেনাঃ চিনহৗ।
( _ )	ফারকা - অৗয়ৗৎ তালারে নাসে সাতাহেঁৎ হাতাও রেনাঃ চিনহৗ ।
( | )	মুচৗৎ - অৗয়ৗৎ রড় পুরৗও এন রেয়াঃ চিনহৗ।
( ! )	অৗনৗইকৗও – অৗয়ৗৎ রে হাঁহাড়াঃ অৗইকৗও রেয়াঃ চিনহৗ।
(? )	কুকলি – কুকলি অৗয়ৗৎ রেয়াঃ চিনহৗ।
( )	হাড়ুব – অৗড়ৗ সে বাংখান অৗয়ৗৎ করে এটাঃ কাথা জুটিজ লেনখান অনারেনাঃ হাড়ুব দহ চিনহৗ।
(“ ”)	জড় চেতেৎ - অৗড়ৗ্রে সে অৗয়ৗৎরে লাগতঃআ উনরেগে যখন রড় আকান লেকান কাথা তুলুজঃআ, অনারেনাঃ চিনহৗ।
(‘ ’)	চেতেৎ - অৗড়ৗ্রে সে অৗয়ৗৎরে লাগতঃআ উনরেগে যখন রড় আকান লেকান কাথা তুলুজঃআ, অনারেনাঃ চিনহৗ।

৬. অৗয়ৗৎ রেয়াঃ হৗটিঞ

লাহা রেগে লৗয় হুয় আকানা যে, চিকি ক যখেজ্‌ পান্তে পান্তে ক দুড়ুব সুরুঃআ আর নাপায় জায় জিনিস রেয়াঃ ঞুতুম রড়গঃআ উন দ অনা পান্তে আকান চিকি ক মিৎটাং অৗড়ৗ হুয়ুঃআ। অনকাগে জায় সে জিনিস রেয়াঃ রড় অৗড়ৗ ক পান্তে কাতে মিৎটান অৗয়ৗ রেয়াঃ পুস্টৗও কাথাগে অৗয়ৗৎ। অৗয়ৗৎ উনরেগে পুস্টৗঃআ জখেজ্‌ অৗয়ৗৎ রেন খৗমিদ তাহেনায় আর উনিয়াঃ কৗমি হঁ তাহেনা। অনা লেকাতে অৗয়ৗৎ রেনাঃ বারয়া হৗটিঞ হুয় আকানা ৬. ক. মুতৗন (Subject) ৬. খ. কানওয়া (Predicate)।

অৗয়ৗৎ রে যাহাঁ সে যাহাঁয় সম্বন্ধ রে মেন হুয়ুঃআ অনা দ খৗমিদ সে মুতৗন  আর যাহাঁনাঃ মেনেন সে উনিয়াঃ কৗমি চেত মেনগঃআ অনাদ উনিয়াঃ মেনেক খৗমিদাঃ কৗমি সে কানওয়া হিঁস ব মেতাঃ কানা। লাতার রে অৗয়ৗৎ রেয়াঃ মুতৗ্ন  আর কানওয়া হিঁস উদুঃ হুয়েনা –

অৗয়ৗৎ	মুতৗ্ন  (noun part)	কানওয়া হিঁস (verb part)
সিবু দাদাল কানায়।	সিবু	দাদাল কানায়।
আব দাকাবন জমা।	আব	দাকাবন জমা।

 অৗয়ৗৎ দ মিৎটান অৗড়ৗতে মেনেক কানওয়া হিঁস বাদ কাতে হঁ হুয় দাড়েয়াঃ গেয়া। লাতার রে মিৎবার অৗয়ৗৎ উদুঃ এনা।

- Duzub me, Duzub me (ackage sermay roz keDa)|

- ceD, ceD?

- ceD, ceDog kanay| beze rijx bolo akaDeya| ayogo noTe gekin hijug kan Do!

- Ukurkin?

- Unkin qel kin me, ceD leka Dolof Dolof noTe kin hijug_a|

চেতান রে অলেন কাথা কখন ঞেলঃ কানা – ceD, ukurkin, unkin মিৎ অৗড়ৗ রেনাঃ অৗয়ৗৎ কানা।

আরহঁ ঞেল মাবন 

রড় সিক	অল সিক
আমাঃ ঞুতুম? লিঁবি। আমাঃ উমের? গেল তুরুয়। খেলেম কুসিয়াঃআ? হেঁ। আম জাওয়ায়? চেৎ? ডৗংগুয়ৗ গেয়াম? হেঁ। পাড়হাঃ আম? বাং। চেদাঃ? কাওডি খৗতির।	আমাঃ ঞুতুম দ চেৎ কানা? ইঞৗঃ ঞুতুম দ লিঁবি। আমাঃ উমের দ তিনৗঃ হুয়েনা? ইঞৗঃ উমের দ গেল তুরুয় সেরমা হুয়ুঃ কানা। আমদ খেলেম কুসিয়াঃআ? হেঁ, ইঞ দ খেলিঞ কুসিয়াঃ গেয়া। আম জাওয়ায়াঃ ঞুতুম দ চেৎ? চেৎ এম কুলি কিদিঞা? অ-আওরি ক জাওয়ায় মেয়া, ডৗংগুয়ৗ গেয়াম? হেঁ, আওরি ক জাঁওয়ায় ইঞৗ। আম দ নেতার পাড়হাঃ কান গেয়াম? বাং, বাগি আকাদৗঞ। চেদাঃ এম বাগি আকাদা? কাওডি বানুঃ তালে খৗতির বাগি আকাদৗঞ।

চেতান রেয়াঃ লৗপৗয় রড় সিক অল খন ঞেলঃ কানা মুতৗন, কানওয়া (বারঠেজ বাদ কাতে) বানুঃ রেহঁ কাথা দ পুরৗও আকানগেয়া। অনাতে নওয়া হঁ অৗয়ৗৎ কানগেয়া।

অৗয়ৗৎ হৗটিঞ
মিৎ অৗড়ৗ অৗয়ৗৎ (Single Worded Sentence)	সাঁগে অৗড়ৗ অৗয়ৗৎ (Multi worded sentence)
চেৎ, অকয়, হেঁ, বাং, উকুরিজ্‌, বানুঃ, অকারে, চেদাঃ, চল , দেলা, এমান্তেয়া।	কানওয়া সাঁও with verb	বেগর কানওয়া verbless
	কিস্কু রাপাজ হিজুঃ কানায়।	কিস্কু রাপাজ।
	সরেন বাবু চালাঃ কানায়।	সরেন বাবু।
	রাঘু দেলা হিজুঃমে।	রাঘু দেলা।
	চল অড়াঃ বন চালাঃআ।	চল অড়াঃ।

অৗয়ৗৎ ক মড়েঁ হৗটিঞ রে হৗটিঞ আকানা

৬. ১. বর্ণন সে মেনেন (assertive)  ৬. ২. নেহর (Imperative) ৬. ৩. কুকলি (Interrogative) ৬. ৪. থুম (Optative) ৬. ৫. অৗনৗয়কৗও (Exclamatory)।

৬. ১. বর্ণন অৗয়ৗৎ - যাহাঁ অৗয়ৗৎ রে যাহাঁন ঘটনা, অবস্থা সে মুতৗন সাঁওতে কানওয়া ঞুম পুরৗঃআ অনকান অৗয়ৗৎ দ বর্ণন অৗয়ৗৎ ব মেতাঃ কানা।

ধারতি দ গোলৗঁড গেয়া। হড় দ খেত রেক কামিয়া। সিদুকানু দ মারাং আঃইয়ুরকিন কিন তাহেঁ কানা।

ঞেল গঃ কানা নংকান অৗয়ৗৎ রেদ মুতৗ্ন রেয়াঃ বর্ণন হুয় আকানা। বর্ণন অৗয়ৗৎ দ নংকা লেকা অলগঃআ – মুতৗ্ন + গৗনৗ্ট (দ, খন, খনদ এমান)+গুন + কানওয়া।  নওয়া অৗয়ৗৎ আরহঁ জেলেঞ ইদি দাড়েয়াঃআ তড়ং, জেনেৎ, গৗনৗ্ট  এমান অৗড়ৗ তোঁগে ইদি কাতে।

বর্ণন অৗয়ৗৎ বার হৗটিঞ রে হৗটিঞ আকানা ৬. ১. ১. হেঁ বর্ণন অৗয়ৗৎ ৬. ১. ২. বাং বর্ণন অৗয়ৗৎ।

আব অলঃবন সেঁড়ায়া।            দাড়গা নাপায় হড় কানায়।

আব অলঃ বাংবন সেঁড়ায়া।         দাড়গা নাপায় হড় বাং কানায়।

আব মুরুখ বাংবন তাহেঁনা।         দাড়গা বৗড়িজ্‌ হড় বাং কানায়।

চেতান রেয়াঃ অৗয়ৗৎ রে ঞেলঃ কানা পৌলো থার রেয়াঃ দ হেঁ বর্ণন অৗয়ৗৎ হুয়ুঃ কানা আর দসার থার রেয়াঃ দ বাং বর্ণন অৗয়ৗৎ কানা। হেঁ বর্ণন অৗয়ৗৎ বাং বর্ণন অৗয়ৗৎতে বনদল দ বার রকম তে হুয় দাড়েয়াঃআ। তেতেৎ উলটৗও কাতে আর বাংখান তেতেৎ বাং উল্টাও কাতে। তেতেৎ বাং বদল কাতে হেঁ বর্ণন অৗয়ৗৎ বাং বর্ণন অৗয়ৗৎ রে বদল লৗগিৎ তেদ গুন অৗড়ৗ রেয়াঃ উল্টৗ অৗড়ৗ বেওহার হুয়ুঃআ।

আরহঁব ঞেল মা - 

হেঁ বর্ণন অৗয়ৗৎ - রৗমু আলেরেন পেড়া কানায়।  Ramu is our relative.

বাং বর্ণন অৗয়ৗৎ  - নওয়া দ বাং কানা যে রৗমু আলেরেন পেড়া বাং কানায়।  It is not that Ramu is not our relative.

চেতান রেয়াঃ অৗয়ৗৎ রে ‘পেড়া’ গুনুন অৗড়ৗ বাং উল্টাও কাতে আর হেঁ বর্ণন অৗয়ৗৎ রেনাঃ  তেতেৎ বাং বনদল কাতে বাং বর্ণন অৗয়ৗৎ রে বনদল লৗগিৎতে “নওয়া দ বাং কানা যে”  মেনেক তড়ং মেসা অৗয়ৗৎ রেনাঃ মিৎ হিঁস মেনেক অৗয়ৗৎহিঁস এম কাতে হুয়ুঃ কানা। ইংরাজি তেদ নওয়া Phrase ক মেতাঃ কানা। 

 ৬. ২. নেহর অৗয়ৗৎ - যাহাঁ অৗয়ৗৎ তে অৗচু, নেহর, মানা এমান বুঝৗঃআ অনকান অৗয়ৗৎ দ নেহর অৗয়ৗৎ ব মেতাঃ কানা।

গ-বাবাওয়া কাথা দ আঁজমমে। দায়া কাতে পুঁগি ঞু দ বাগিনমে। অড়াঃ রেগে তাহেঁনমে। সেঁগেল সাঁও তেদ আলম খেলা।

নেহর অৗয়ৗৎ রেদ মুতৗন দ অৗডি কম বেওহারঃআ মেনেক ওকো তাহেঁনা আর কানওয়া জেনেৎ অৗড়ৗরেয় সদর অচঃআ। তবে মানা বুঝৗও লেনখাজ্‌ মানাকাথারে ওকো তাহেঁনায়।  

  ৬. ৩. কুকলি অৗয়ৗৎ - যাহাঁ অৗয়ৗৎ তে কুকলি বুঝৗঃআ অনাদ কুকলি অৗয়ৗৎ ব মেতাঃ কানা। যেলেকা – কুকলি অৗড়ৗ আতে – অকাম চালাঃআ? তিসেম হিজুঃআ?

অৗয়ৗৎ রেনাঃ মুতৗন চেতান রে জোর এম কাতে – নওয়া দ আমাঃ অড়াঃ?  বিমল দ আম বয়হা?

৬. ৪. থুম অৗয়ৗৎ - যাহাঁ অৗয়ৗৎ তে থুম বুঝৗঃআ অনাগে থুম অৗয়ৗৎ ব মেতাঃ কানা। যেলেকা – নাপায় বাড়ে তাহেঁন মে। চাঁদ বাড়েয় দোঃক্‌ কামমা।

তবে নেবেতার দ অৗয়ৗৎ খাটো ঞঃ কাতে ‘বাড়ে’ অৗড়ৗ দ বাং বেওহারঃ কান রেহঁ অৗড়ৗ রেনাঃ তেতেৎ বাং পাল্টাঃ কানা।

৬. ৫. অৗনৗইকৗও অৗয়ৗৎ - মন অন্তর রেনাঃ রৗস্কৗ, ভাবনা, হাঁহাঁড়াঃ, আতেন অচ  এমান অৗয়কৗও যাহাঁ অৗয়ৗৎ রে ফোটেলঃআ অনাগে অৗনৗইকৗও অৗয়ৗৎ ব মেতাঃ কানা। অৗনৗইকৗও অৗয়ৗৎ রেদ (!) চিনহৗ বেওহারঃআ।

আহ! তিনৗঃ নাপায় ঞেলঃ কানা।

ছিস! চেদাঃ বাম চালাও লেনা?

চেৎ নাপায় ঞেলঃ কানা!

আমদ  অৗডি চেহরা হড়!

৭. জতস (Object)

৭. ১. দাড়ু পতব পাড়হাঃ কানায়। দাড়ু সেতা হহআয় কানায়।

৭. ২. দাড়ু লাঁদায়েদায়।

৭. ৩. দাড়ু আয়াঃ বহঃ সিবুয় উদুঃআয় কানা।

মিৎ নম্বর অৗয়ৗৎরে কৗমি অৗড়ৗ ‘পাড়হাঃ কানায়’ চেৎ বাংখান চিলি আতে কুকলি লেখাজ কৗমি রেয়াঃ অজে ঞামঃআ। মেনেক – দাড়ু চেৎ পাড়হাঃ কানায়? তেলা ঞামঃআ – পতব। দাড়ু চিলি হহআয় কানায়? তেলা  ঞামঃআ – সেতা।  অনাতে নওয়াদ মিৎ জতস কৗমি কানা। মেনখান বার নম্বর অৗয়ৗৎরে দাড়ুওয়াঃ লান্দারেনাঃ অজে বাং ঞামঃআ। অনাতে নওয়াদ বিন জতস কৗমি কানা।

৩ নম্বর অৗয়ৗৎরে চেৎ আর অকয় আতে কুকলি লেখাজ বারয়া অজে ঞামঃআ। দাড়ু চেৎ সিবুয় উদুঃআয় কানা? তেলা ঞামঃআ – আয়াঃ বহঃ। দাড়ু আয়াঃ বহঃ অকয় উদুঃআয় কানা? তেলা ঞামঃআ – সিবু। অনাতে নওয়াদ বার জতস কৗমি কানা।