যাহাঁ ঞুনুম অৗয়ৗৎরেনাঃ কানওয়া সে বাংখান এটাঃ অৗড়ৗ সাঁও যাহাঁ সৗগৗই এ তেয়ারা অনাগে লেনেকা ব মেতাঃ কানা। ঞুনুম বেওহারঃ কান লেকাতে হৗটিঞ কদ – (১) মুতৗন লেনেকা, (২) বিসয় লেনেকা, (৩) কানওয়া লেনেকা, (৪) হেনাঃ লেনেকা, (৫) আতেন হচ লেনেকা, (৬)পান্তে লেনেকা।
১০. (১) মুতৗ্ন লেনেকা – যখেজ মিৎটাং ঞুনুম আর বাংখাজ উঞুম, কানওয়া রেয়াঃ মুতৗ্ন হিসৗব তে বেওহারঃআ উন দ অনা মুতৗ্ন লেনেকা হুয়ুঃ কানা।
দাড়ু দ মিৎটাং পতব সিবুয় এমায়কানা।
নওয়া অৗয়ৗৎরে ‘দাড়ু’ মুতৗ্ন, কানওয়া এমায়কানা কামিতেৎ পুরৗও এদায়। মেনেক নওয়া অৗয়ৗৎ রেয়াঃ কৗ্মি এমায়কানা পুরৗওইজ দ দাড়ু। চেতান রেয়াঃ অৗয়ৗৎ রেনাঃ কানওয়া হিঁস রে ‘অকয়’ এম কাতে কুকলিবন দহয়া তাহলে যাহাঁ তেলা ঞামঃআ অনাদ ‘দাড়ু’। অকয় দ মিৎটাং পতব সিবুয় এমায়কানা?
মুতৗ্ন লেনেকা দ ঢেরকায়তে অৗয়ৗৎ রেনাঃ কানওয়া লাহারেগে তাহেঁনা।
মেনখান সান্তাড় রড় রে নংকা হঁ বেওহারঃআ যাহাঁ রেদ মুতৗন লেনেকা কানওয়া তায়মরে তাহেঁন কানা।
নওয়া ঢঁডর রে তাহেঁনা(য়/কিন/ক) তৗ্রুব। ‘বৗঞ দাড়েয়াঃআ’, মেনকেদায় লুসি।
তবে মুতৗ্ন যুদি উঞুম অৗড়ৗ হুয়ুঃআ আর ওকো তাহেঁনা তাহলে কানওয়া হিঁস রে সদর ওচোঃআ।
১. সয়দাপৗ্তি দ আগু আকাদাম? সয়দাপৗ্তিম আগু আকাদা? সয়দাপৗ্তি দম আগু আকাদা? (কুকলি অৗয়ৗৎ)
২. নাপায় তাহেঁ কঃমে। রৗস্কৗ রেগে তাহেঁনপে। (থুম অৗয়ৗৎ)
৩. নওয়া রিলিফিলি ধারতিরে টুডৗং বাড়া সানৗঞা! (অৗনৗইকৗও অৗয়ৗৎ)
১০. (২) বিসয় লেনেকা – যখেজ ঞুনুম আর বাংখাজ উঞুম অৗড়ৗ অৗয়ৗৎরে বিসয় লেকাতে বেওহারঃআ, উনদ অনা বিসয় লেনেকা হুয়ুঃ কানা।
দাড়ু দ মিৎটাং পতব সিবুয় এমায়কানা।
নওয়া অৗয়ৗৎরে ‘পতব’ আর ‘সিবু’ দ , কানওয়া এমায়কানা রেনাঃ বিসয় কানা। মেনেক নওয়া অৗয়ৗৎ রে কানওয়া ‘এমায়কানা’ রেয়াঃ বিসয় দ হুয়ুঃ কানা ‘পতব’ আর ‘সিবু’। চেতান রেয়াঃ অৗয়ৗৎ রে ‘অকয়’ আর ‘চেৎ’ আতে কুকলিবন দহয়া তাহলে যাহাঁ তেলা ঞামঃআ অনাদ ‘সিবু’ আর ‘পতব’। অনাতে নওয়াকিনদ বিসয় লেনেকা কানা। দাড়ু দ মিৎটাং পতব অকয়ে এমায়কানা? দাড়ু দ মিৎটাং চেৎ সিবুয় এমায়কানা?
১০. (৩) কানওয়া লেনেকা – চেৎ এদালে সান্তাড়ি উনিঠেন। চেদঃ কানালে সান্তাড়ি উনিঠেন। এমাদেয়াঞ মিৎটাং কলম। ঞেঞেল কদক রুওয়াড় কানা। রড় রড় তেগে আঁজেৎ এনায়।
১০. (৪) মেনাঃ লেনেকা –সবেয়াঃ পতব। রুঠুওয়াঃ তিরয়ো। উনকুওয়াঃ অড়াঃ। দারেরেনাঃ জিওি মেনাঃআ। আমরেন বয়হা। বাবারেন গগ। অড়াঃরেনাঃ বুসুব। কুকলি অৗড়ৗ ‘অকয়াঃ’ ‘অকারেনাঃ’ (বাং জিওিয়ান ঞুনুম বাংখান উঞুম রে) সে ‘অকয়রেন’(জিওিয়ান ঞুনুম বাংখান উঞুম রে) আতে কুকলি লেখাজ যাহাঁ ঞুনুম সে উঞুম অৗড়ৗ তেলা ঞামঃআ অনারেনাঃ সে উনিয়াঃ জায় জিনিস মেনাঃআ মেন্তে বুঝাঃআ।
১০. (৫) আতেন হচ লেনেকা – গিদার থিরঃপে, মেনকেদায় এঁগাত। বাবুয়া, নোতে হিজুঃ মেসে। জিওি, আমদ চেদাঃ কাওলাঃ কানাম।
১০. (৬) পান্তে লেনেকা – কবি, সারদাপ্রসাদ আয়মা অনড়হেঁয় অল আকাদা। আম বাবা, মাস্টার সাঁও ঞাপাম লেনাঞ। সুবোধ, আলেরেন গোলকিপার আয়মা বলে সাব আকাদা।
বারয়া ঞুনুম অৗড়ৗ পান্তে পান্তে তাহেঁ লেনখাজ আর মিৎ জায় জিনিস সে হড় ঞুতুম হুয় লেনখাজ, দসারিজ দ পোয়লোয়িজ রেন পান্তে লেনেকা হুয়ুঃ আ।
No comments:
Post a Comment