১৩. কানওয়া (Verb) –

যাহাঁন  দাড়ে কাথা, লাড়াও কাথা, খাটাও কাথা অবস্থা কাথাতে কামি বুঝৗঃআ অনাগে কানওয়া।

তাড়াম, দৗড়, ঞির, দাল, জম, ঞু, সিৎ, বিৎ, মাঃ, গঃ, অৗরুব্‌, উম, উনুম, সেন,  চালাও, হেজ, গজ, গিডি, দহ, এনেজ, সেরেঞ, অলঃ, সি, রৗপুৎ, সাব, তাড়াও, অর, ঞুর, উডৗও, এম, ঞাম, আঁজম, দন, কুচুড়, বাড়ায়/বাডায়, গিতিজ, জাপিৎ, পাড়হাও, দুড়ুব, আব, লেঞ, পিটি, বুরুম, রাচাঃ, ইতকিজ্‌, তেঁগো, হাতাও, লৗয়, রড়, চাপাৎ, তাড়াম, ভাবনা, উইহৗ্র, ইতিজ, এমান।

কানওয়া রেয়াঃ হাটিঞ

কানওয়া verb
মুল কানওয়া Principal		কানওয়া জেনেৎ Auxiliary
এনেৎ  কানওয়া Transitive	অনঃ কানওয়া Intransitive

কানওয়া বার হৗটিঞরে হৗটিঞঃআ ১. মুল কানওয়া Main Verb ২.  কানওয়া জেনেৎ Auxiluary Verb।

সান্তাড় রড় রেদ নুকিন কানওয়া বানার গে আয়াত রে বেওহারঃআকিন।

১৩. ১. মুল কানওয়া – সানাম কানওয়া অৗড়ৗগে অৗয়ৗৎরে বেওহারঃআ, মেনখান কামি রেয়াঃ নাং দ বাং লৗয় পুরৗঃআ।  মুল কানওয়া আরহঁ বার হাটিঞরে হাটিঞঃ কানা ১৩.১.১ এনেৎ আর ১৩.১.২ অনঃ

১৩.১.১ এনেৎ - আয়াত রে কানওয়া রেনাঃ কামিতেৎ যুদি মুতৗ্ন হতেজতে হুয় অচঃকান আর অনারেনাঃ অরজতেদ্‌ জতস চেতান ঞুরুঃকান বুঝাও লেনখাজ অনাদ এনেৎ কানওয়া হুয়ঃআ।  মেনেক কানওয়া রে এৎ/ আৎ জুটিজ কাতে মেনগঃআ। যেলেকা -  আলে মারাং হিলি দ কাঁত রেয় অলেৎ কানা। তওয়া জম পুসি চেলাং দয় জালাৎ গেয়া। হলা রাম পয়সাম এমাদে তাহেঁৎ রুওয়াড়াৎ মেয়ায়?

১৩.১.২ অনঃ - আয়াত রে কানওয়া রেনাঃ কামি জুদি মুতান হতেজ তে হুয় অচঃ কান আর অনা রেনাঃ অরজ মুতৗ্ন চেতান রেগে ঞুরুঃকান বুঝাও লেনখাজ অনা কানওয়া উনদ অনঃ কানওয়া লেকাতে বেওহারঃআ। মেনেক কানওয়া রে অঃ/আঃ/এঃ জুটিজ কাতে মেনগঃআ। যেলেকা – ইঞ দ অলঃ কানাঞ। আম দ পাড়হাঃ কানাম।

লাতার রে মিৎবার কানওয়া রেনাঃ অনঃ আর এনেৎ কানওয়ারে বেওহার এম হুয় এনা।

Kanwa	onog kanwa	eneD kanwa
omon	omonog	omoneD
qel	qelog	qeleD
la.y	la.yog	la.yeD
roz	rozog	rozeD
jom	jomog	jomeD
kami	kamiyag	kamiyeD
la	lag	layeD
THuTi	THuTiyag	THuTiyeD
Dul	Dulag	DuleD
calaw	calag	calaweD
qu	quwag	quyeD
si	siyOg	siyeD
ru	ruwag	ruyeD
rapuD	rapuDog	rapuDeD
iskir	iskirog	iskireD
hila.w	hila.wog	hila.weD
enej	enejog	enejeD
Da.z	Da.zag	Da.zeD
sab	sabog	sabeD
ol	olog	oleD
pazhaw	pazhag	pazhaweD
kHel	kHelog	kHeleD
busa.z	busa.zog	busa.zeD
la.y	la.yog	la.yeD
roz	rozog	rozeD
eger	egerog	egereD
qur	qurog	qureD

১৩. ২. কানওয়া জেনেৎ - কানওয়া জেনেৎ দ অৗয়ৗৎ রেয়াঃ মুল কানওয়া আড়া সাঁও জেলেৎ কাতে অনারেনাঃ নাং এমান কয় পুস্টাও অচয়া। আ, কান, কানা, লেন, লেনা, আকান, আকানা, অঃ, কাঃ, এৎ, এদা, গেয়া,  লেৎ, লেদা, আকাগে,  এন, লেন, হাঃ, নাহাঃ এমান। কানওয়া জেনেৎ দ কানওয়া রেয়াঃ নাং পুস্টাওরে গড়য় এমতে গঃড় কানওয়া হঁ ব মেতাঃ কানা।

বাস গাডি হিজুঃ । (বাডায় সানাদ তাহেয়েন গেয়া)

বাস গাডি হিজুঃ কানা। ( কানা তে পুরৗও এনা)।

১৪. তনড় (Adverb) –  যাহাঁ অৗড়ৗতে কৗ্মি রেনাঃ দাড়ে, অক্ত এমান রেয়াঃ তড়তেৎ ক পুস্টাও অচয়ায় অনাদ কৗ্মি তড়াও সে তনড় ব মেতাঃ কানা।

লগন লগন, বৗয়বৗয়, রিঁজিঁরিঁজিঁ, লেগেমলেগেম, দিড়ৗমপাট, বারাংবারাং, ঝিরঝর, দাপাংদাপাং, হাকপাক, জিড়িৎজিড়িৎ, হিঁসিৎহিঁসিৎ, হাদারহাদার, আয়ুবয়ায়ুব, থারামথুরুম, লাবাঃচাবাঃ, লাবাসলুবুস, লাঃবলাঃব, লাকাড়লুকুড়, লচকপচক, ভজরভজর এমান।

তনড় রেয়াঃ হাটিঞ

১৪. ১. সঝে তনড় (Simple Adverb), ১৪. ২. কুকলি তনড় (Interrogative Adverb) আর ১৪. ৩. সাগায় জড়াও তনড় (Relative Adverb)

১৪. ১. সঝে তনড় আরহঁ লাতাররে এমেন লেকাতে হাটিঞ আকানা

১৪.১. ১. অক্ত সে নাং তনড় (Adverb of time)  – নওয়া দ কুকলি তিনরে (অক্ত) তিস (মাহা) ক রেনাঃ তেলায় এমা।

ইঞদ হলাঞ সেনলেনা।  উনি নিতগেয় হিজুঃআ। টির এনেজ দ মাজানবের হুয়ুঃআ।  

হলা, নিত, তেহেঞ, গাপা, এনান, লাহা, বিলম, মেয়াঞ, মাজানবের, সেতাঃবের, তিকিন এমান কদ নাং তনড় রেয়াঃ ঞুম কানা।

১৪.১. ২. লেখা তনড় (Adverb of number)   -   নওয়া দ কুকলি তিনাঃ (লেখা) রেনাঃ তেলায় এমা।

উনিদ কুইলাপাল হাট সেতাঃ আয়ুব বানার বেড়াগে  চালাঃআয়। উনিদ আলে অড়াঃ মিৎবারদম  দয় হেজ আকানা। 

বানার, পেনে, মিৎধাও, আরহঁ, সারাঘাড়ি, হরদম এমান কদ লেখা তনড় রেয়াঃ ঞুম কানা।

১৪.১. ৩. ঠাঁও তনড় (Adverb of place)  - নওয়া দ অকারে (ঠাঁও) ক রেনাঃ তেলায় এমা।

নডে হিজুঃমে। হাঁডে চালাঃমে। উনিদ হাঁডেনাডেয় দাড়ানা। ইঞদ হাতিগে চেতানলাতারিঞ কয়ঃআয় কানা। ইঞ বাবা দ বাহরে সেন আকানায়।

নডে, অঁডে, হাঁডে, নাডে, হাঁডেনাডে সাগিঞ, সুর, চেতান, লাতার, চেতানলাতার, পাছলা এমান কদ ঠাঁও তনড় রেয়াঃ ঞুম কানা।

১৪.১. ৪. লেকান তনড়(Adverb of manner,quality of state)   - নওয়া দ কুকলি চেৎলেকা রেনাঃ তেলায় এমা।

 নুই গিদারদ ঠামঠামে রড়েদা। আমদ আডিজোর তাড়ামমে। আলেদ উনি দায়াগে তপাকেদেয়ালে।

লগন লগন, বৗয়বৗয়, রিঁজিঁরিঁজিঁ, লেগেমলেগেম, দিড়ৗমপাট, বারাংবারাং, ঝিরঝর, দাপাংদাপাং, হাকপাক, জিড়িৎজিড়িৎ, হিঁসিৎহিঁসিৎ, হাদারহাদার, থারামথুরুম, লাবাঃচাবাঃ, লাবাসলুবুস, লাঃবলাঃব, লাকাড়লুকুড়, লচকপচক, ভজরভজর, ঠামঠাম, আডিজোর, দায়াগে এমান কদ লেকান তনড় ঞুম কানা।

১৪.১. ৫. উমৗন তনড় (Adverb of quantity)   - নওয়া দ কুকলি তিনাঃগান রেনাঃ তেলায় এমা।

সহরায়রে দমেঞ এনেজকেদা।  রাস্কাতে লাডু আয়মাধাওয়িঞ জমকেদা।

দমে, আয়মা, অৗথৗন, কৗইচ্‌ চুলুং, আডিগান এমান কদ উমান তনড় ঞুম কানা।

১৪.১. ৬. অজে তনড় (Adverb of reason)  - নওয়া দ কুকলি চেদাঃ রেনাঃ তেলায় এমা।

উনি মাহরাদ দমে পাওরাও ঞুয়েৎ তাহেঁ, অনাতেলে আড়াঃ কাদেয়া।

১৪. ২. কুকলি তনড় (Interrogative Adverb)  - নওয়া দ কুকলি লাগিৎতে বেওহারঃআ।

তিসেম হেজ আকানা?, তিন ঘাড়িজ এম তাহেঁনা? অকাতেম চালাঃ কানা? অকাসেনতেম হেজ এনা? তিনাঃ গানপে ইর কেদা? উনিয়াঃ রড় দ তিনাঃ সারিয়া? উনি চেদাঃ এ রাঃ এদা?

কুকলি তনড় আরহঁ লাতাররে অল আকান লেকাতে হৗটিঞ কদ নংকা লেকা –

১৪.২.১ অক্ত কুকলি তনড় – তিনরেম হেজ আকানা? আমদ তিনদিনেম তাঁহেনা?

১৪.২.২ ঠাঁও কুকলি তনড় – অকাতেম চালাও লেনা?

১৪.২.৩ গটান কুকলি তনড় – তিনৗঃগান হাকোপে সাব আকাৎ কওয়া?

১৪.২.৪ লেকান কুকলি তনড় – আমদ চেৎ লেকা কাতে অলচিকিম চেৎ কেদা?

১৪.২.৫ উমৗন কুকলি তনড় – উনিয়াঃ কাথা তিনৗঃ সারিয়া? নওয়া দারে তিনৗঃ উসুলা?

উমৗন কুকলি তনড় দ আরহঁ অৗনৗয়কৗও অৗয়ৗৎ লেকা হ বেওহারঃআ। আমদ তিনৗঃ লেলহা! তিনৗঃ নাপায় এম ঞেলঃ কানা!

১৪.২.৬ অজে কুকলি তনড় – উনি চেদাঃএ রাঃ এদা?

১৪. ৩. সাগায় জড়াও তনড় – নওয়া তনড় দ বারয়া আয়াৎ এ জোড়োন অচয়া আর সাগায় উঞুম লেকা লাহারে রড়গঃ ঞুনুম সে ওকো ঞুনুম রেনাঃ গানাট লেকায় কামিয়া।

অনা আতোঞ সেনা লেনা আর ঞেল কেদাঞ অড়াঃ যাহাঁরে জানাম লেনাঞ।

চেতান রেয়াঃ অৗয়ৗৎরে তনড় ‘যাহাঁরে’ ‘জানাম লেন’ কানওয়া পুস্টৗও অচ আকাদা আর অনা লাহারে মেনাঃ ঞুনুম ‘অড়াঃ’ সাঁও গৗ্নৗট লেকায় কামি কানা। আরহঁ ‘যাহাঁরে’  ‘অনা আতোঞ সেনা লেনা আর ঞেল কেদাঞ অড়াঃ’ আর ‘জানাম লেনাঞ’ নওয়াকিন বারয়া অৗয়ৗৎ এ তোঁগে অচ আকাৎতে তড়ং লেকাহঁয় কামি কানা।

  

১৫. গৗনৗট (Post positions)  – যাহাঁদ ঞুনুম, উঞুম সে বাংখান তনড় সাঁও গৗঁট সে গুয়ুর কঃআ আর অনা রেয়াঃ মেনেক ঞুতুম অৗড়ৗ, উঞুম অৗড়ৗ সে তনড় রেয়াঃ অকা সৗগৗয় তেৎএ ফোটেল অচয়া অনাদ দ গৗনৗ্ট  ব মেতাঃ কানা।

রে, রেয়াঃ, রেয়াং তে, তেম, তেয়াঃ, কে, কেতেজ, ঠেন, ঠেনখন, সেনখন, খন, রেন, রিন, রেনিজ, য়াঃ, ইজ, দ এমান।

সিঞ চাঁদ দ পুরুবনাখা খনে রাকাব আ। খন (গৗনৗ্ট ) + এ (জেনেৎ)।

অড়াঃরে চাওলে বানুঃআ। - রে (গৗনৗ্ট )

পেনসিলতে অলাক। - তে (গৗনৗ্ট )

অকাতেম চালাঃ কানা? – তেম (গৗনৗ্ট )

আমরেন মেরম কানায়। - রেন (গৗনৗ্ট )

আমঠেন চালাও লেনৗঞ। - ঠেন (গৗনৗ্ট )

নওয়া দলান দ ধিরি রেয়াঃ কানা। - রেয়াঃ (গৗনৗ্ট )

উনিয়াঃ পতব। - য়াঃ (গৗনৗ্ট )

আমিজ ভিডি। - আম+ ইজ (গৗনৗ্ট )

অকা সেনখন হিজুঃ কানাম? – সেনখন (গৗনৗ্ট )

লাতাররে মিৎবার গৗ্নৗট রেয়াঃ বেওহার অকা জখেজ লাক্তিঃ কানা এম হুয়েনা -

রে - (in, on, after) ঠাঁও সে অক্তরে তাহেন রেয়াঃ উনুদুঃ গৗ্নৗট কানা। মেনেক 'রে' গৗ্নৗট দ জাস্তি ঞুনুম, উঞুম অৗড়ৗ সাঁও গৗঁট কাতে অঁডে সে অনারে সে উনিরেন কানায় সে কানা মেনতে ঠৗওকৗ অচ দাড়ে হৗতয়ৗর সে গৗ্নৗট কানা। জেলেকা - গাডিরে দেজ এনায়। কামি দ হলারে পুরৗও আকানা।  কৗনয়ৗ অৗড়ৗ জখেজ কৗনয়ৗ ঞুনুম লেকা বেওহারঃআ অনা সাঁও 'রে' গৗ্নৗট জেলেৎ দাড়েয়াঃআ। জেলেকা - কামিরে জহড় মিনৗঞা।

রেয়াঃ/রেয়াং - জিওিয়ান বাং জিওিয়ান ঞুনুম সে উঞুম অৗড়ৗ সাঁও বাং জিওিয়ান ঞুনুম অৗড়ৗ রেয়াঃ সৗগৗয় জড়াও গৗ্নৗট কানা। জেলেকা - হলা রেয়াঃ দাকা। অড়াঃ রেয়াঃ বুসুব। অৗন রেয়াং হুকুম জৗ্রিয়েনা।

তে - (because of, owing to, by, through, with, to, into)  নওয়া গৗ্নৗট দ অৗড়ৗ ক রেয়াঃ সাপাপ, সৗগৗয় জপড়াও আর আরুয় অচ লৗগিৎতে লাক্তি মেনাঃ আকাদা। জেলেকা - রাবাংতে রুওয়াগে ঞাম কিদিঞা। তে গৗ্নৗট আতে জপড়াও গৗ্নৗট হঁ তেয়ারঃ কানা। জেলেকা - ইয়ৗতে, হতেতে, হুয়ৗতে, ঞুতুমতে, কারনতে, সেনতে এমান।

'তে' গৗ্নৗট উদুঃ উঞুম সাঁও জপড়াও কাতে তনড় রে আরুঃআ। জেলেকা - হান্তে, নতে, অনকালেকাতে, হানকালেকাতে এমান।

তেন (along with, towards) - সাঁও সে সেজ্‌ বুঝৗও লেনখাজ নওয়া গৗ্নৗট অৗড়ৗ্রে জাপাগঃআ। জেলেকা - হরতেনিজ হড়। সাঁওতেনক সানাম হিজুঃপে।

তেয়াঃ (for) - লাগিৎ বুঝৗও উচয়রে 'তেয়াঃ' গৗ্নৗট দ বেওহারঃআ। জেলেকা - নওয়াদ গুতুতেয়াঃ কানা।

কে (every, each, by) -  সানাম, লৗগৗড় বুঝৗো অচয়রে নওয়া গৗ্নৗট দ বেওহারঃআ। জেলেকা - দিনকে দিন নডে গাজাড় ইদিঃ কানা। সেরমাকে সেরমায় হিরি লেগেয়া।

১৬. তড়ং (conjunction)  – যাহাঁ অৗড়ৗতে বার বাংখান সাঁগে অৗয়ৗৎ তোঁগে অচয়ায় অনাদ তড়ং ব মেতাঃ কানা।

আরআর, বাংখান, এনখান, আরবাং, বাংখাজ্‌, হঁ, আরহঁ, আদ, খৗজুক, খানেক, আর বাংখান, মেনখান, খান এমান।

বেওহার

দৗড়ু রেঁগেজ হড় কানায় মেনখান আডি ভৗলিয়ায়।

দৗড়ু যাহাঁ লেকানায় আর আর হড় হঁ অনকা হুয়ুঃ জৗ্রুড়া।

ইঞ বৗঞ দাড়েয়াঃ খান আমহঁ বাম দাড়েয়াঃআ।

১৭. হানাও (interpolation)   – আহ, আহা, ইস, ছিস, এহ, ধুরর, হাপে,  এয়া, এ, এহো, এগ, দেলা, দেলাসে, মাসে, হেঁদাহো, এতেহো, উয়, হঃঅ, বা, এবা, য়ু, এদা, এই,  বাং, হেঁ, হিঞ, হঁ, তিতি, লেলে, ডুর্, অহায়, হৗড়ি এমান। হানাও আরহঁ বার হাটিঞরে হাটিঞ আকান -

১৭. ১. অৗনৗইকৗও (Exclamatory)  – মন অন্তর ভিতির রেয়াঃ অৗয়কৗও সদর অৗড়ৗ গে অৗনৗইকৗও।

আহ, আহা, ইস, ছিস, এহ, ধুরর এমান। নওয়া অৗড়ৗ পরে (!) চিনহৗ লাগতঃআ।

আহ! চেদাঃ এম দালে কানা?  আহা! আডি নাপায়ে হঁয় এদা। ইস! ইতিজ পুটুর কিদিঞাম। ছিস! আমদম পুচুজ এনা। এহ! বেরেল গুরিজ রেগিঞ থালিয়েনা। ধুরর! বাং আতিঞ কানতে। হেরর! এনান খনে ধুরাও আকান রেহঁ বায় পুরাও এদা।

১৭. ২. আতেন হচ (Attention)   – যাহাঁ অৗড়ৗতে হহ বাংখান অৗড়িস রেয়াঃ কাথা বন লৗয় অচয়া অনাদ আতেন হচ হানাও অৗড়ৗ কানা। নওয়া অৗড়ৗ তেদ সাঁগিঞ গরন রেন হড় বাংকান জিওয়ী আন কওয়াঃ মন ফেরাও রেয়াঃ অৗড়ৗ কানা।

হাপে,  এয়া, এ, এহো, এগ, দেলা, দেলাসে, মাসে, হেঁদাহো, এতেহো, উয়, হঃঅ, বা, এবা, য়ু, এদা, এই,  বাং, হেঁ, হিঞ, হঁ, তিতি, লেলে, ডুর্, অহায়, হৗড়ি এমান। 

হাপে, ইঞ হঁঞ চালাঃআ। এয়া, হেজ লেন মেসে। এ দৗই আঁজমলেম সে। এহো, আপেদ অকারেন কানাপে? এগ, দেনসে মৗডি। দেলা দুড়ুবলেনমে। দেলাসে হেজলেনমে। 

১৮. জেনেৎ (Qualifier)   - যাহাঁ অৗড়ৗদ এটাঃ অৗড়ৗ সাঁও জেলেৎ কাতে অনা অৗড়ৗ রেয়াঃ কৗ্মি তড়, দাড়ে এমান কয় পুস্টাও অচয়া অনাদ  জেনেৎ ব মেতা; কানা।

অট, হট, দারা, তারা, হৎ, গৎ, ঞঃ, সৗঁহিজ, লেকা, তুলুজ, জাক, দ, গে, চ, হেঁচ, কা, আকা, আকাৎ, এন, লেন, এ, এৎ, লেৎ, সে, দু, মা, কান, কানা আ, কান, কানা, লেন, লেনা, আকান, আকানা, অঃ, কাঃ, এৎ, এদা, গেয়া,  লেৎ, লেদা, আকাগে,  এন, লেন, হাঃ, নাহাঃ এমান।

জেনেৎ আরহঁ পুন হৗটিঞ রে হৗটিঞ আকানা –

১৮. ১. কানওয়া জেনেৎ - আ, কান, কানা, লেন, লেনা, আকান, আকানা, অঃ, কাঃ, এৎ, এদা, গেয়া,  লেৎ, লেদা, আকাগে,  এন, লেন, হাঃ, নাহাঃ এমান। নওয়া কদ কৗমি অৗড়ৗরে গড়য় এমতে কৗমি গড় ব মেতাঃআ।  নওয়া অৗড়ৗ তেগে কৗমি দ অকা নাং রেয়াঃ কানা পুস্টাও অচয়ায়। 

১৮. ২. গৗনৗট জেনেৎ - ধৗরিজ, হৗবিজ, লাগিৎ, খৗতির, জখেজ, মৗদরে, মুদরে, তালারে, দ, সেৎ, সেন, সেজ এমান। গৗনৗট জেনেৎ দ ঞুনুম আর উঞুম আড়া সাঁওগে জাস্তিদ জেলেদঃআ। যেলেক – অড়াঃ ইদি সেটের কাঞমে। নডে অড়াঃ ঞুনুম আড়া তায়ম ‘ধৗরিজ’ গানাট এম কাতে ‘অড়াঃ ধারিজ্‌ ইদি সেটের কাঞমে’ মেনলেখান অড়াঃ আর ধারিজ রেনাঃ নাপায় সাগায় তেয়ার এনতে কাথা দ পুস্টাও উতার এনা।  

১৮. ৩. তড়ং জেনেৎ - এনতে, মেনতে, খান, লে, লেখান, ঘানেক, খানেক এমান।

কানুয়াঃ কানা মেনতে আগু হুয় আকানা। তিঁগুলেন মে হাপে খানেক জিরাও লেনমে।

১৮. ৪. তনড় জেনেৎ - নাপায়, ঞঃ, সৗঁহিজ, তারা, দারা, তরা, ধরা, জাক, জাকাৎ, গে, দ, সে, হাপে, আওরি, মত, সুমুং, লেকা, মাছা, হৎ, গৎ এমান। 

উতু দ ইসিন আকানতে সিবিল ঞঃ স কানা।  বেস অকজ সাব কাতে নাপায় সাঁহিজ ইদিয়মে। উলবিলি দ তিয়োঃ গৎ আঞ মেসে। আপে সাঁওতিঞ সেন তারাঃআ। জম তরাগেয় ঞির আদা। দাকা ইসিন আওরি হুয়ুঃআ। মুনগা আড়াঃ তিয়োঃ হৎ মে।

১৯. গটান আর গরন

 গটান দ পে হৗটিঞরে মেনাঃ আকাদা।

মিৎটান বুঝৗও লেনখাজ্‌ ১৯. ১. ১. মিৎগটান, বারয়া বুঝৗও লেনখাজ্‌ ১৯. ১. ২. বার গটান আর পেয়া খন সাঁগে বুঝৗও লেনখাজ্‌ ১৯. ১. ৩. সাঁগে গটান।

গরন হঁ পে হৗটিঞরে হৗটিঞ আকানা – ১৯.২. ১. মাড়াং গরন, ১৯.২. ২. সামাং গরন আর ১৯.২. ৩. সৗগিঞ গরন।

গরন ক জকেজ অৗয়ৗত রে লাগতঃ কানা আর ঞুনুম অৗড়ৗ সে কানওয়া অৗড়ৗ রেনাঃ গরন তেৎ এ ঠৗওকৗ অচয়া উনদ অনা গরন কদ অজা বন মেতাঃ কানা।

গরন আর গটান হিসাবতে অজা দ গেল বার হাটিঞরে হাটিঞ আকানা –

গরন	গটান	অজা সে বিভক্তি চিন্‌হা	হাটিঞ ঞুম
মাড়াং	মিৎ	Q	পৌলো/পৗহিল
মাড়াং	বার	liq	দসার
মাড়াং	বার	laf	তেসার
মাড়াং	সাঁগে	Le	পোন
মাড়াং	সাঁগে	Bo	মড়েঁ
সামাং	মিৎ	m	তুরুয়
সামাং	বার	ben	এয়ায়
সামাং	সাঁগে	Pe	ইরৗল
সাঁগিঞ	মিৎ	Y	আরে
সাঁগিঞ	মিৎ	taf/tej/ten/tag (baf jiwiwanre)	গেল
সাঁগিঞ	বার	kin	গে-মিৎ
সাঁগিঞ	সাঁগে	Ko	গে-বার

    অৗয়ৗৎ বেওহার অক্তে ঞুনুম সে বাংখান দানাং উঞুম তিন গটানা বুঝৗও অচয় লৗগিৎ গরন হিসৗবতে লাগতঃ অজা  লাতাররে ঞেল আব।  অজা  - ঞ, লিঞ, লাং, লে, ব, ম, বেন, পে, য়, কিন, ক,  রেয়াঃ অকালেকা বেওহারঃ কানা -

গরন	গটান	অজা	অৗয়ৗৎ রে লাগত
mazaf goron	miD	Q	Daka joma.q		Daka.q joma
	bar	liq	Daka jomaliq		Dakaliq joma
		laf	Daka jomalaf		Dakalaf joma
	saNge	Le	Daka jomale		Dakale joma
		Bo	Daka jomabo		Dakabo joma
samaf goron	miD	m	Daka jomam		Dakam joma
	bar	ben	Daka jomaben		Dakaben joma
	saNge	Pe	Daka jomape		Dakape joma
sa:giq goron	miD	Y	Daka jomay		Dakay joma
	bar	kin	Daka jomakin		Dakakin joma
	saNge	Ko	Daka jomako		Dakako joma
	বাং জিওিয়ান ক
	miD	taf, tej, ten, tag		miDtaf DHiri		DHiritag
	bar	kin		DHirikin		onakin DHiri
	saNge	Ko		DHiriko		onako DHiri

  তাহলে মেন কেয়াব অজা কদ q, Liq, laf, le, bo, m, ben, pe, y, kin, ko, taf, tej, ten, tag গরন আর গটান হিসাবতে ঞুনুম, উঞুম, গুনুন, তনড়, কানওয়া এমান ক সাঁও জেলেৎ কাতে জেনেৎ লেকা হঁয় কামিয়েৎ কানা।  অজা দ ঞুনুম, উঞুম, গুনুন, তনড়  আর বাংখান কানওয়া সাঁও জেলেৎ কাতে অনাক রেয়াঃ গরন আর গটান উনুদুঃ কানা। অজা তেদ অৗড়ৗ সাঁও জেলেৎ কাতে অনা অৗড়ৗ রেয়াঃ কৗমি তড় সে দাড়ে এমান দ বায় পুস্টাও অচয়া।

ঞুনুম রে অজা – সিবুম ঞেল লেদেয়া। ঝিঁগাঞ গৎ কেদা। উতুপে ইসিনকেদা।

উঞুম রে অজা – উনিম কুসিয়ায় কানা। হানিম লাগা ঞির কেদেয়া।  

গুনুন রে অজা – রুওয়াম বুজ এদা। হাসুঞ কানা।

গুনুন রে অজা দ উনি মত সারাঘাড়ি দ বায় লাগতঃআ। গুনুন অৗড়ৗ পরে ‘গে’ বাংখান ‘গি’ জেনেৎ এম কাতে হঁ লাগতঃআ। যেলেকা – সেয়াগেম স কানা। রাবাংগিঞ বুঝাও কেদা। রেয়াড়গেপে বুঝাও এদা। 

তনড় রে অজা – লেগেম লেগেমেম তাড়াম আকাৎ দ। দিড়ামপাটকিন ঞির কেদা।

 ২০ লেখা

lekHa	La.y sik	ol sik	lekHa	La.y sik	ol sik
1	miD	miD	51	moge-miD	moMe Gel miD
2	Bar	Bar	52	moge-Bar	moMe Gel Bar
3	Pe	Pe	53	moge-Pe	moMe Gel Pe
4	Pun	Pun	54	moge-Pun	moMe Gel Pun
5	moMe	moMe	55	moge-moM	moMe Gel moMe
6	Turuy	Turuy	56	moge-Tur	moMe Gel Turuy
7	Eyay	Eyay	57	moge-Eyay	moMe Gel Eyay
8	Ira.l	Ira.l	58	moge-Ira.l	moMe Gel Ira.l
9	Are	Are	59	moge-Are	moMe Gel Are
10	Gel	Gel	60	Turuy Gel	Turuy Gel
11	Ge-miD	miD Gel miD	61	Tuge-miD	Turuy Gel miD
12	Ge-bar	miD Gel bar	62	Tuge-Bar	Turuy Gel Bar
13	Ge-Pe	miD Gel Pe	63	Tuge-Pe	Turuy Gel Pe
14	Ge-Pun	miD Gel Pun	64	Tuge-Pun	Turuy Gel Pun
15	Ge-moM	miD Gel moMe	65	Tuge-moM	Turuy Gel moMe
16	Ge-Tur	miD Gel Turuy	66	Tuge-Tur	Turuy Gel Turuy
17	Ge-Eyay	miD Gel Eyay	67	Tuge-Eyay	Turuy Gel Eyay
18	Ge-Ira.l	miD Gel Ira.l	68	Tuge-Ira.l	Turuy Gel Ira.l
19	Ge-Are	miD Gel Are	69	Tuge-Are	Turuy Gel Are
20	Bar Gel	Bar Gel	70	Eyay Gel	Eyay Gel
21	Bage-miD	Bar Gel miD	71	Ege-miD	Eyay Gel miD
22	Bage-Bar	Bar Gel Bar	72	Ege-Bar	Eyay Gel Bar
23	Bage-Pe	Bar Gel Pe	73	Ege-Pe	Eyay Gel Pe
24	Bage-Pun	Bar Gel Pun	74	Ege-Pun	Eyay Gel Pun
25	Bage-moM	Bar Gel moMe	75	Ege-moM	Eyay Gel moMe
26	Bage-Tur	Bar Gel Turuy	76	Ege-Tur	Eyay Gel Turuy
27	Bage-Eyay	Bar Gel Eyay	77	Ege-Eyay	Eyay Gel Eyay
28	Bage-Ira.l	Bar Gel Ira.l	78	Ege-Ira.l	Eyay Gel Ira.l
29	Bage-Are	Bar Gel Are	79	Ege-Are	Eyay Gel Are
30	Pe Gel	Pe Gel	80	Ira.l Gel	Ira.l Gel
31	Pege-miD	Pe Gel miD	81	Ige-miD	Ira.l Gel miD
32	Pege-Bar	Pe Gel Bar	82	Ige-Bar	Ira.l Gel Bar
33	Pege-Pe	Pe Gel Pe	83	Ige-Pe	Ira.l Gel Pe
34	Pege-Pun	Pe Gel Pun	84	Ige-Pun	Ira.l Gel Pun
35	Pege-moM	Pe Gel moMe	85	Ige-moM	Ira.l Gel moMe
36	Pege-Turu	Pe Gel Turuy	86	Ige-Tur	Ira.l Gel Turuy
37	Pege-Eyay	Pe Gel Eyay	87	Ige-Eyay	Ira.l Gel Eyay
38	Pege-Ira.l	Pe Gel Ira.l	88	Ige-Ira.l	Ira.l Gel Ira.l
39	Pege-Are	Pe Gel Are	89	Ige-Are	Ira.l Gel Are
40	Pun Gel	Pun Gel	90	Are gel	Are gel
41	Puge-miD	Pun Gel miD	91	Age-miD	Are gel miD
42	Puge-Bar	Pun Gel Bar	92	Age-Bar	Are gel Bar
43	Puge-Pe	Pun Gel Pe	93	Age-Pe	Are gel Pe
44	Puge-Pun	Pun Gel Pun	94	Age-Pun	Are gel Pun
45	Puge-moM	Pun Gel moMe	95	Age-moM	Are gel moMe
46	Puge-Tur	Pun Gel Turuy	96	Age-Tur	Are gel Turuy
47	Puge-Eyay	Pun Gel Eyay	97	Age-Eyay	Are gel Eyay
48	Puge-Ira.l	Pun Gel Ira.l	98	Age-Ira.l	Are gel Ira.l
49	Puge-Are	Pun Gel Are	99	Age-Are	Are gel Are
50	moMe Gel	moMe Gel	100	say	miD say

২০. ১. বিলহৗও লেখা –

মিৎ - মিমিৎ, বার – বাবার, পে – পেপে, পোন/পুন – পোপোন/পুপুন, মড়েঁ – মঁমঁড়, তুরুয় – তুতুরুয়, এয়ায় – এঃয়ায়, ইরৗল – ইঃরৗল, আরে – আঃরে, গেল – গেগেল, ইসি – ইঃসি, বার ইসি – বাবার ইসি এমাণ।

মিমিৎ পুয়ৗ হাসালে লা আকাওনা। বাবার ফোড়োঃ কাতে এমালেপে। পেপে ইসি কাতে ক ঞাম কেদা। নুকু গিদৗ্র মঁমঁড় গটেজ কাতে তেরেল ক হৗটিঞ আনা।

২০. ২. তিরয়ৗও লেখা – আদমক তিরয়ৗও লেখাগে পান্তে লেখা হঁ ক মেতাঃ কানা। পান্তে লেখা দ বাং জিওিয়ান বিদৗল রেগে লাগতঃআ। যাহান লেখা কাথা (জিওিয়ান বাং জিওিয়ান) ক এতম তায়ম মেনাঃআ সে মেনাঃ কওয়া সে কানাক বুঝাও লেনখাজ অনাদ তিরয়াও লেখা ব মেতাঃ কানা। 

লেখা	জিওিয়ান বিদৗল	ঘৗঁরঞ্জরে বেওহারঃ	বাং জিওিয়ান বিদৗল
পৌলো/পৗহিল	পৌলোয়িজ/পৗহিলিজ	মারাং	পৌলোওয়াঃ/পৗহিলাঃ
দসার	দসারিজ	তালা	দোসারাঃ
তেসার	তেসারিজ	সাঁজলৗ / সৗঁজলি	তেসারাঃ
পোন	পোনিজ	মৗঁঝ্‌লৗ / মৗঁঝ্‌লি	পোনাঃ
মড়েঁ	মড়েঁয়িজ	সাজ / সৗঁজি	মড়েঁয়াঃ
তুরুয়	তুরুয়িজ	মাজ / মৗঁজি	তুরুয়াঃ
এয়ায়	এয়ায়িজ	জতখন মুচৗৎরেন দ হপন/হুডিঞ	এয়ায়াঃ
ইরৗল	ইরৗলিজ		ইরৗলাঃ
আরে	আরেয়িজ		আরেয়াঃ
গেল	গেলিজ		গেলাঃ

২০. ৩. সামটাও লেখা – বানা/বানার, পেনে, পোনোন/পুনুন  এমান।

বানা কাথা  দ বেওহারঃআ সানাম গরন রেয়াঃ বার গটান  হড় কাথা সাঁও। যেলেকা – আলিঞ দ বানা হড়তেগেলিঞ কামিয়া। আবেন হঁ বানা হড়তে কামিয়বেন। আলাং দ বানা হড়াঃ কাথা গেলাং আঁজমা।

আর এটাঃ কাথা করে দ বানার কাথাগে বেওহারঃআ। জেলেকা – বানার টুকুজ রাপুৎ এনা। ডাংরি বানার গেকিন আতিঞ কানা। আপেরেন বাবু আর বিটি বানার গেকিন চেটমাল গেয়া।  

baday Doho kag la.giD ar miDtaf lekHa renag kaTHa node soDoreD kana| Tobe nowa lekHa Do giDa.r ko kHel okToge aNjomog_a| onako Do nofka - 1. ekam, 2. Duka.m, 3. Tinik, 4. la.kuz, 5. salay, 6. sapay, 7. deNd, 8. koM, 9. kitij, 10. korog, 11. tHakrog

২১. জানাং (Gender)

জানাং দ অনাগেব মেতাঃ কানা -  ঞুনুম অৗড়ৗ অকা জৗড় রেনাঃ কানা মেনেক কড়া জৗড়, কুড়ি জৗড় সে অনাকিন মুদরে অকাটাঃরেনগে বাং কানা অনা উরুম লাগিৎ অৗড়ৗগে রনড় রে জানাং ব মেতাঃ কানা।

ইংরেজী ভাসা রেনাঃ ঘারঞ্জীয়া রড় রে Gender মেনতে অকা অৗড়ৗগে বানুঃআ। মেনখান জাং চিপিনহাও অৗড়া Grammar রে Gender  মেনতে বেওহারঃআ। Nesfield আঃ মেনলেকাতে  “What in nature is called the difference of sex is in grammar called the difference of Gender”.

জানাং অৗড়া রেয়াঃ ভং লেকাতে মেনগঃআ – অৗড়ৗ ক অকা ‘জৗড় রেনাং’ অৗড়া খন সিরজাও আকানা, যেলেকা জৗড় রেয়াঃ জা আর রেনাং রেয়া নাং মিলাও কাতে জানাং হুয় আকানা।

জানাং পুন হাটিঞরে হাটিঞ আকানা – ২১. ১. কড়া জানাং, ২১. ২. কুড়ি জানাং, ২১. ৩. জাত জানাং আর ২১. ৪. হাৎ জানাং ।

২১.  ১. কড়া জানাং – যাহাঁ ক ঞুনুম অৗড়ৗ কড়া জাং রেয়াঃ বুঝাঃআ অনাদ কড়া জানাং কানা। বাবা, দাদা, তেয়াঞ এমান।

২১. ২. কুড়ি জানাং - যাহাঁ ক ঞুনুম অৗড়ৗ কুড়ি জাং রেয়াঃ বুঝাঃআ অনাদ কুড়ি জানাং কানা। গগ, দৗয়, বিটি এমান।

২১. ৩. জৗত জানাং - যাহাঁ ক ঞুনুম অৗড়ৗ কড়া জাং সে বাংখান কুড়ি জাং বাং ভেগার কাতেঃ জিওিয়ান ঞুনুম, উঞুম অৗড়ৗ কানা বুঝৗও অচয়ায় অনাদ জৗত জানাং কানা।  গিদৗর, মেরম, পেড়া, এমান মেনেক সানাম জিওিয়ান থক ঞুনুম দ জৗত জানাংরে পাড়াঃআ।

২১. ৪. হাৎ জানাং – সানাম জিনিস ঞুনুম, গারুম ঞুনুম  আর গুন ঞুনুম দ হাৎ জানাং কানা। গট, দোমেল, হেলমেল, পাল, বৗঁদি, মুরৗই, পারকম, দাঃ, দাকা, তওয়া, তাঁবা, সোনা, সুনুম, মেড়হেৎ, রুপৗ, দায়া, হড়ম, দুলৗড়, রৗস্কৗ, রেঁগেজ্‌, কিসৗঁড়, ধিরফুর এমান।

কড়া জানাং অৗড়ৗ কুড়ি জানাং অৗড়ৗরে বনদল

কড়া জানাং অৗড়ৗ যুদি আ রাহা আড়াং আতে মুচাদঃআ তাহলে কুড়ি জানাংরে আরুয় লাগিৎ মুচাৎরে ই রাহা আড়াং এম কাতে হুয়ুঃ কানা। নংকান কড়া জানাং অৗড়ৗ তালারেনাঃ রাহা আড়াং কদ বনদলঃআ নংকা  o দ u, e দ i, O দ u রে।

কড়া জানাং	কুড়ি জানাং
koza	kuzi
geza	gizi
gedra	gidri
gista.ha	gista.hi
gedma	gidmi
gHutma.	gHutmi
gOla	guli
gurla.	gurli
gONga	guNgi
heNgxla	hiNgxli
heNdra	hiNdri
hezca	hizci
huzja.	huzji
jHalka	jHa.lki
kabxra	kabxri
ka.yla.	ka.yli
kala	ka.li
kaNza	kaNzi
kHaNDa	kHaNDi
kofka	kufki
lebHza	libHzi
dHaNga	dHaNgi
la.lca.	la.lci
lafta	lafti
lazga	la.zgi
lasra	la.sri
ledga	lidgi
lelha	lilhi
lefca	lifci
leDHra	liDHri
pocra	pucri
lOTHrO	luTHri

জাত জানাং খন কড়া জানাং সে বাংখান কুড়ি জানাং রে বনদল লাগিৎ কড়া জানাং অৗড়ৗ লাগাও কাতে কড়া জানাং আর কুড়ি জানাং অৗড়ৗ লাগাও কাতে কুড়ি জানাং হুয়ুঃ কানা।

জাত জানাং	কড়া জানাং	কুড়ি জানাং
গিদৗর	কড়া গিদৗর	কুড়ি গিদৗর
হড়	কড়া হড়	কুড়ি হড়
মেরম	বোদা মেরম	পাঠি মেরম
হাতি	হাড়াম হাতি	বুড়হি হাতি
গড়ম	গড়ম কড়া	গড়ম কুড়ি
হপন	কড়া হপন হপন বা	কুড়ি হপন হপন আয়ো
গাতে	কড়া গাতে	কুড়ি গাতে

অৗড়ৗ বনদল কাতে

কড়া জানাং	কুড়ি জানাং
jetlog	jitlug
liba.labe	libojloboj
baba	go/gogo/ayu/yu
DaDa	hili
Teqaf	Da.y
javaw	biti
hoqhar	hanhar
hon/hopon	kimin
sa:di	kalot
Damkom	petHaM
aNdiya.	eNga
boDa(merom)	paNtHi
kudu(sukri)	paNtHi
kada	biTkil
kisa:M	kisa:M era
marafburu	jaher era
kaka	kaki
marafba	maraf ayO
Talaba	Tala ayO/Tala go
saNjxla.ba	saNjxli ayO/saNjxli go
ma.jHla.ba	ma.jHli ayO/ma.jHli go
sajoba	sa:ji ayO/sa:ji go